Jarsira m’incuntraja Gesù Cristu;

tutt’affannatu la cruci purtava.

Jiu li rissi: “Gesù Cristu miu,

rammi la cruci chi la portu jiu.”

 

Jiddu mi rissa: “Figghiciddu miu,

la cruci j’è grossa e no la poi purtari.

La cruci tuja j’è pi n’autra via,

viata a tija si la sai purtari.”

 

Na ronna chi ‘mbruntasti t’ajutaja,

cu finu pannu la faccia t’asciuttaja.

Sangu e siruru, ohi, ni runasti

e ‘nta lu pannu la cera ci lassasti.

 

Chiù vai ‘nanti e chiù la cruci pisa

e ‘nta la spadda c’ha fatto na fossa.

E la fatica ti chjica li gammi,

e pi lu ruluru vasisi pi ‘nterra.

.

FOTO: Via Crucis in Piazza