…

Nu jurnu jenno a caccia alla Marina,

truvai na giuvinedda sula sula.

Jidda mi rissa: – Passa e nun tuccari;

ca sungu scketta e tengo gran pagura.

Veni stasira, quannu ha fattu notti,

ca mamma mia nun c’è e mi trovi sula. –

Jiddu, lu ciutu, si ni vinni all’ura,

e java circannu ri potì trasiri.

Japri, bella mia, ca sungu vinutu,

e j’è l’amuru tuja chi m’ha chiamatu.

Tu sì r’afora e gira pi ssi mura,

jio sungu raintra e mi ni stagu sicura.

Ha da vinì lu timpu ri li piri,

quannu li belli donni vanu fora!

E quannu vena, lassalu vinire,

tengu tre frati e mi fazzu guardari.

Si li frati tuja fussiru liuni

E li petri ri la via spati e curtiddi,

jio mi li fazzu cumpagni fidili,

pi mi gori a tija, giojuzza bella!