Parmarija siciliana raccolta da Giuseppe Pitrè

 

Comu nasci’ lu Bamminu, S. Giseppi, vidiennu ca lu picciliddu murìa di fridda, pinsà’ di’jiri a circari tantìcchia di focu pi scarfari o Signiruzzu (1). Niscì’ di la gratta e ij’ ‘nti tri picurara, chi eranu jintra una mànnira (2). Sti tri picurara avianu un cani, chi a cu’ trasìa ddà jintra lu squartariava a muzzicuna (3). S. Giseppi trasì’ e lu cani ‘un cci fici nenti.

Li picurara vidiennu daccussì, dissinu tra d’iddi: – «E chi havi stasira stu cani ca ‘un cci dici nenti a stu vecchiu?…»

Poi comu lu vittiru tràsiri, cci dissiru: – «Chi vuliti, bon vecchiu?»

S. Giseppi cci rispunnì’: – «Vurrissi tantìcchia di fuocu». –

«E unn’è chi l’aviti a mettiri?» cci spijaru li picurara;

e S. Giseppi cci prisintà’ la punta di lu so cappuottu; dici: – «Ccà».

– «Ma ‘un s’abbrucia?» cci dissiru chiddi;

 e S. Giseppi: – «Avoglia» (4).

Li picurara hannu pigliatu lu fuocu, e cci l’hannu misu ‘nti lu cappuottu.

S. Giseppi si nni ij’; e li picurara pinsaru tra iddi: – «Aviti a vìdiri comu s’havi a ‘bbruciari lu cappuottu stu vecchiu!…» Poi quannu vittiru ca lu vecchiu nun s’abbrucia’, e lu cani ‘un abbajà’, pinsaru ca chistu auvia essiri corchi uomu prudigiusu. ‘Nti mentri cumparì’ un Ancilu, e cci dissi ca avia nasciutu lu Misia, e allura li picurara si pirsuasiru di la cosa, e jeru a purtari ricotta, cuniglia e palummi a lu Signiruzzu.

San Giuseppe e i pastori

Quando nacque Gesù Bambino, San Giuseppe, vedendo che il piccolo moriva di freddo, pensò di andare a cercare un pochino di braci per fare un fuoco e scaldarlo. Così uscì dalla grotta e andò da tre pastori che stavano in un ovile. Questi tre pastori avevano un cane che, appena qualcuno entrava, lo sbranava a morsi. Ma San Giuseppe entrò e il cane non gli fece niente.

I pastori vedendo la cosa, si dissero: «Ma che cos’ha stasera il cane, che non fa niente a quel vecchio?…». Poi quando lo videro entrare, gli dissero: «Che volete, bravo vecchio?». San Giuseppe gli rispose: «Vorrei un poco di braci per il fuoco». «E dove le mettete?» gli chiesero i pastori; e San Giuseppe gli mostrò il cappotto e disse: «Qua». «Ma non si brucia?» gli dissero loro. «Non fa niente».

Così i pastori presero le braci, e gliele misero nel cappotto. Poi San Giuseppe se ne andò e i pastori pensarono: “Ora vedia come si brucia il cappotto di quel vecchio!…”. Ma quando videro che il vecchio non si bruciava e il cane non abbaiava, pensarono che quello doveva essere un uomo prodigioso.

Quand’ecco che comparve un Angelo e disse che era nato il Messia e allora i pastori si convinsero del tutto, e andarono a portare ricotta, conigli e colombi al Bambinello.

Naro

Da FIABE E LEGGENDE POPOLARI SICILIANE – Giuseppe Pitrè – Donzelli

FOTO: Rete

NOTE

1 Per riscaldare il Signoruzzo (il Bambino Gesù).

2 Uscì dalla grotta e andò da tre pecorai, che erano dentro una mandra.

3 (II cane) stracciava a morsi (sbranava) chi entrava (entrasse) lì dentro (la mandra).

4 Avoglia, non fa nulla.

5 Raccontata da Antonio Barragato.