U Patiterno quanno ficia lu munnu lu ficia bello. C’era ogni bene ri Dio. C’erano chianti, animali, frutti ri tutti i tipi.
‘Mminzo a tanti animali c’era puru u ciucciu. Cu tutta a flemma suja, passavir’a jurnata a ji truvenno eriva frisca. Ogni tanto si facija ‘na cantata, s’arrummulava ‘nterra e j’era cuntento.
‘Nta na bella jurnata ri sole vidda l’umbra suja. Si guardaja lu culo e pinzaja: “Chi brutta ssa cura! A chi mi serva? Agghja ‘ntrunculià tutto u jurnu pi nenti.”
Jiviri a du Patiterno pi si lamintà: “Signuro mijo, hai fatto tanti cosi puliti, ma a mija m’hai rato ‘na cura ch’è ‘na vrigogna. Pi carità, levamilla, ca l’autri animali mi cugghjuniano.”
U Patiterno, ch’è pacinziuso, l’accuntintaja.
Nun passaja abbogghia timpo e lu ciucciu si resa cunto c’avija fatto ‘na ciutijata ri suja.
I muschi nun ni ravini paci. Pi scaccià si turcinicava, si ‘mbruscinava ‘nta l’eriva, si ‘mbiccava ‘nta li fraschi. Quannu pirdivir’a pacinzia si muzzicava ri na mala manera chi si facia li chiaghi. Ma nun c’era nenti ra fa: i muschi ri ciuccio, grossi e panzuti, si lu mangiavano. Povuro ciucciu, jittava cauci, allungava lu cuddu pi ‘ncappà, si frisculiava ‘nta li chianti. Ma li tafani vulavanu nu picchi luntano e pu turnavanu a zucà sangu. Maliricija lu mumento chi j’era rimaso senza cura.
Nu jurno pigghiaja u curaggio ‘nti mani e, dispirato e brugugnuso, si pricipitaja a du Nostro Signuro. “Patiterno mio, sungo dispirato. Li muschi mi mangianu. Nun saccio comi m’agghja rifenni. Mi zucuno lu sango e la vita. Ratimilla ‘n’ata vota la cura, ca mi ranno l’anima pi muzzicuni.”
Lu Signuro, chi tena lu cori granno, rirrenno suttu i baffi, u ficia cuntento.
Da qua vena la rittata antica: u ciucciu capija lu valuru ra cura, quanno ni mancaja.
Da mio nonno Salvatore
FOTO: Rete